Një banesë është përfshirë nga flakët, ndërkohë si pasojë e zjarrit kanë mbetur të lënduar dy të moshuar që jetonin aty dhe një punonjës i zjarrëfikëses.
Ngjarja ka ndodhur në lagjen numër 17, tek pallatet sociale në Durrës.
Dy të moshuarit që ndodheshin në banesë në momentin e zjarrit janë, Gëzim dhe Mynyre Tafruci. Zjarri është pikasur nga fqinjët të cilët kanë njoftuar repartin e zjarrfikësve. Gjatë ndërhyrjes ka mbetur i lënduar edhe një punonjës i zjarrëfikëses.
Ende nuk dihen shkaqet e rënies së zjarrit, por policia dyshon që ka qenë një cigare e lënë ndezur nga i moshuari.
